Aziz M. ekzekuton me armë 27-vjeçarin Endrit P. (Emrat e plotë)

Endrit Pepa 27 vjeç u qëllua me armë zjarri nga një person pranë xhamisë së qytetit rreth orës 04:30. 27-vjeçari mbeti i plagosur dhe u transportua me urgjencë drejt Spitalit të Traumës në kryeqytet, por fatkeqësisht ndërroi jetë rrugës.

Policia thotë se ka identifikuar autorin. Ai është 49-vjeçari Aziz Markola nga Mamurrasi, raporton ABC News, i cili është shpallur në kërkim. Dyshohet se viktima u ekzekutua për shkak të një konflikti të hershëm.

Njoftimi paraprak i policisë së Kurbinit:

Sot, rreth orës 04:30, është marrë njoftim se në Mamurras, afër xhamisë së qytetit, është plagosur me armë zjarri shtetasi E.P. 27 vjeç, banues në Mamurras, i cili është transportuar për në Spitalin e Traumes në Tiranë, por rrugës ka ndërruar jetë.

Falë veprimeve të shpejta hetimore, u bë i mundur identifikimi i autorit të dyshuar shtetasit A.M. 49 vjeç, banues në Mamurras i cili u shpall në kërkim dhe punohet për kapjen e tij.

Grupi hetimor në vendngjarje nën drejtimin e Prokurorisë së Rrethit Gjyqësor Kurbin, vazhdojnë hetimet për zbardhjen e plotë të rrethanave të ngjarjes.

SHPËRNDAJE