Biletat për ndeshjen Kosovë-Angli në shitje nga kjo datë?

Kosova do të zhvillojë dy ndeshjet tejet më rëndësi në muajin nëntor.

Fillimisht me 14 nëntor Kosova do të udhëtoj në Çeki për të zhvilluar ndeshjen me kombëtaren çeke ndërsa tre ditë më vonë, Kosova në stadiumin “Fadil Vokrri” në Prishtinë do ta presë kombëtaren angleze.

Arianit Ahmeti, zëvendës sekretari i përgjithshëm i Federatës së Kosovës së Futbollit ka pohuar se me datën 12 nëntor do të dalin në shitje biletat për ndeshjen kundër “Tre Luanëve”, raporton EkonomiaOnline përcjellë Klan Kosova.

“Biletat për ndeshjen kundër Anglisë do të dalin me datë 12 nëntor. Pesë përqind e stadiumit, saktësisht 750 bileta do të jenë për mysafirët, aq edhe sa ju takon në bazë të rregullave”, tha Ahmeti.

Ndeshja mes Kosovës dhe Anglisë zhvillohet me 17 nëntor me fillim nga ora 18:00.

SHPËRNDAJE