Burri e rrahte fortë gruan e tij sa herë i bënin ‘like’ në Facebook (Foto)

Një grua është detyruar t`i nënshtrohet një operacioni rindërtues për fytyrën, pasi burri i saj xheloz e godiste atë çdo herë pasi dikush nga miqtë e saj i pëlqente fotot në Facebook.

Sipas policisë së Paraguait, Adolfina Camelli Ortigoza, 21 vjeç ishte mbajtur kundër vullnetit të saj në shtëpinë e të dyve dhe i ishte nënshtruar rrahjeve të vazhdueshme nga bashkëshorti i saj 32-vjeçar.

Kur policia u sinjalizua, Adolfina ishte keqtrajtuar aq shumë në trup dhe fytyrë sa ishte shpërfytyruar dhe ajo kishte nevojë për një operacion të gjerë.

Ditën e djeshme, avokati i gruas tregoi se si partneri Pedro Heriberto Galeano bëhej i dhunshëm kur dikush i pëlqente fotot që gruaja postonte për veten në Facebook.

Ai filloi ta rrahë atë çdo herë që një nga miqtë e saj në Facebook reagonte ndaj ndonjë prej postimeve të saj.

Miqtë e saj nuk kishin idenë se çdo herë që bënin gjestin miqësor duke i pëlqyer foton, ajo do të rrihej brutalisht.

SHPËRNDAJE