Çka po flitet në mbledhje e KD të PDK-së: Enver Hoxhaj e merr fjalën dhe thotë se zgjedhjet janë të pashmangshme, po e presim Thaçin

Nënkryetari i parë i Partisë Demokratike të Kosovës, Enver Hoxhaj ka paralajmëruar zgjedhje të parakohshme parlamentare.

Ai në një fjalë që ka mbajtur para anëtarë të Këshillit Drejtues të PDK-së, ka theksuar se s’ka alternativë tjetër, pos zgjedhjeve pas dorëheqjes së Haradinajt, nga posti i kryeministrit.

Kështu citohet të ketë thënë Hoxhaj para anëtarëve të KD-së, thonë burime të Gazetës Blic brenda kësaj mbledhjeje.

“Ditëve në vijim po e presim presidentin Thaçi për konsullta dhe pritet që të caktohet edhe data e zgjedhjeve”, citon ky burim i Gazetës Blic, një pjesë të fjalës së Hoxhajt.

Ndërkaq, Hoxhaj e ka publikuar edhe një fotografi nga kjo mbledhje.

“Takimi i Këshillit Drejtues të PDK-së. Gati për fitore të reja politike. Gati për përgjegjësi të reja para qytetarëve të Kosovës”, ka shkruar Hoxhaj.