‘El Clasico’ në Miami: Koha kur zhvillohet derbi ndërmjet Realit dhe Barçës

Rivaliteti ndërmjet Barcelonës dhe Real Madridit do të bartet në Miami, ku do të zhvillohet dueli ndërmjet tyre – që në ndeshjet zyrtare njihet si ‘El Clasico’.

Ndeshja zhvillohet të shtunën në Hard Rock Stadium në Floridën jugore. Kjo është hera e parë që këto dy skuadra luajnë në Shtetet e Bashkuara të Amerikës dhe vetëm hera e dytë që luajnë jashtë Spanjës (kanë luajtur në Venezuelë në vitin 1982).

Dy gjigantët spanjollë do të zhvillojnë një ndeshje miqësore në kuadër të International Champions Cup, në kuadër të përgatitjeve parasezonale, ku marrin pjesë edhe Paris Saint-Germaini dhe Juventusi.

Java e ‘El Clasicos’ do të zhvillohet në një atmosferë të tipit të Super Bowl me koncerte, ndeja dhe një festival të tifozëve, transmeton Telegrafi.

Nëse dëshironi ta shikoni këtë ndeshje, më poshtë i keni disa të dhëna të nevojshme:

Kush: Real Madridi dhe Barcelona, në një El Clasico në Miami.

Kur: Të shtunën, 29 korrik. Transmetimi i spektaklit fillon nga ora 0:00 me kohën tonë. (Ndërsa ndeshja fillon rreth orës 1:30 të mëngjesit të të dielës).

Ku: Hard Rock Stadium, Miami, të Floridës.

SHPËRNDAJE