Gjendje alarmante: 1192 raste aktive me Koronavirus në Prishtinë

Drejtori i Shëndetësisë në komunën e Prishtinës, Bujar Gashi ka bërë të ditur se aktualisht në kryeqytet janë 1192 raste aktive me COVID-19.

Gashi përmes një postimi në Facebook, ka njoftuar se që nga 20 marsi 2020 e deri më sot në Prishtinë janë konfirmuar 1629 raste me coronavirus, ku prej tyre 416 janë shëruar dhe 21 kanë përfunduar me fatalitet.

Gashi ka porositur qytetarët që të mbajnë maskën dhe t’i respektojnë vendimet e marra për parandalim të përhapjes së këtij virusi.

Postimi i plotë:

Qytetarë të nderuar,

Përhapja e shpejtë e virusit dhe numri i shtuar i rasteve të reja me #covid19 janë vazhdimisht në rritje dhe kjo është shqetësuese!

Bazuar në të dhënat e marra nga IKShP dhe raportin e konsoliduar nga Shtabi Emergjent në Prishtinë del se momentalisht, që nga data 20 Mars deri sot kemi 1629 raste me #covid19 prej të cilave 1192 raste janë ende aktive. Kemi 416 raste të shëruara dhe zyrtarisht të konfirmuara 21 raste që kanë përfunduar me fatalitet.

Mbajtja e maskës është një prej tri rregullave kryesore dhe masave mbrojëse për parandalimin e përhapjes së virusit dhe rëndimin e situatës edhe më shumë.

Të gjithë e kemi obligim që të ruajmë veten dhe të tjerët rreth nesh e të jemi të ndërgjegjshëm.

Sepse vetëm #bashkë mund të e tejkalojmë këtë sfidë!

Vazhdoni t’i mbani maskat, dezinfektoni duart dhe mbani distancë!

  • ETIKETIMET
  • 1
SHPËRNDAJE