Inspektorët e Skenderajt konfirmojnë produkte pa afat dhr produkte të prishura

Vetëm pak ditë më parë kur kryetari i Komunës së Skenderajt, Bekim Jashari, i cili pati apeluar të gjithë qytetarët, që të paraqesin rastet e produkteve me afat të skaduar tek organet kompetente, me qëllim për të ruajtur shëndetin dhe jetën e qytetarëve, sidomos fëmijëve, një aksion tjetër i Inspektorëve komunalë të Komunës së Skenderajt, ka rezultuar me gjetjen produkteve me afat të skaduar në dyqanet e bashkësisë lokale të Likocit.

Në raportin e Inspektorëve theksohet se brenda dy ditëve, gjatë inspektimit të dyqaneve, janë konfiskuar sasi e produkteve ushqimore, e cila ka qenë me afat të skaduar, të rrezikshme për jetën e qytetarëve, veçanërisht fëmijëve nxënës pasi këto produkte janë gjetur në dyqanet afër shkollave fillore në fshatrat Çirez dhe Likoc.

Inspektorët komunalë kanë konfiskuar tërë mallin me afat të skaduar, kurse ndaj pronarëve të dyqaneve janë shqiptuar gjoba deri në 400 euro.

Përveç gjëra ushqimore, inspektorët kanë konfiskuar edhe produkte mishi, jo të sigurt për konsum, pasi nuk ka pasur dokumentacion përkatës (pa prejardhje dhe deklaracion).

Kryetari Jashari ka kërkuar angazhim më të madh nga ana e inspektorëve, në aktivitetin e tyre inspektues ndaj dyqaneve në përgjithësi, por me theks të veçantë afër shkollave, për shkak të fëmijëve nxënës që blejnë gjëra të ndryshme ushqimore.

SHPËRNDAJE