Kryeparlamentari Veseli sjell një rrëfim emocional për Pavarësinë

Kryeparlamentari Kadri Veseli ka publikuar një video emocionale, në ditën e 10-vjetorit të Pavarësisë së Kosovës, me të cilën sjell rrëfimin për të riun Arb Manaj nga Klina, babai i të cilit ishte vrarë në luftën e Kosovës më 1999.

Arbi, sot një futbollist 19 vjeç, ishte foshnje kur babai i tij ishte vrarë bashkë me dhjetëra të tjerë nga ky qytet.

Veseli ka shkuar në shtëpinë e Arbit, për t’ia uruar personalisht këtë dekadë të pavarësisë, duke ia dhuruar atij Flamurin e Kosovës dhe Deklaratën e Pavarësisë.

Kështu, përmes birit të një martiri, Kryeparlamentari Veseli ka dashur t’u flasë të gjitha familjeve që Kosovës ua kanë dhënë më të dashurit, duke u thënë se emrat e tyre ndodhen në themelet e shtetit të Kosovës.

“Një rrëfim emocional për Arb Manajn nga Klina, i cili ishte foshnje kur babai i tij 25 vjeç, Bibi, u vra gjatë luftës më 1999. I rritur nga një nënë e fortë si fëmija i saj i vetëm, sot ai është një futbollist 19 vjeç, i cili ëndërron ta çojë sa më lart Flamurin e Kosovës. Arbit, shokëve të tij të gjeneratës së lirisë, familjeve që dhanë për shtetin tonë heronj, dëshmorë, martirë, si dhe të gjithë qytetarëve, gëzuar 10-vjetorin e pavarësisë”, ka shkruar Veseli në profilin e tij në Facebook.

Më poshtë, video e postuar nga Kryeparlamentari Kadri Veseli.

Një rrëfim për Pavarësinë e Kosovës

Një rrëfim emocional për Arb Manaj nga Klina, i cili ishte foshnje kur babai i tij 25 vjeç, Bibi, u vra gjatë luftës më 1999. I rritur nga një nënë e fortë si fëmija i saj i vetëm, sot ai është një futbollist 19 vjeç, i cili ëndërron ta çojë sa më lart Flamurin e Kosovës. Arbit, shokëve të tij të gjeneratës së lirisë, familjeve që dhanë për shtetin tonë heronj, dëshmorë, martirë, si dhe të gjithë qytetarëve, gëzuar 10-vjetorin e pavarësisë. #Kosova10

Publié par Kadri Veseli sur samedi 17 février 2018

SHPËRNDAJE