Kurteshi për Veriu.info: Nesër mbahet mbledhja e Kryesisë, do të dalim me qendrim …

Pas përplasjes brenda Lëvizjes Vetëvendosje, ku në një bisedë mes anëtarëve të partisë në platformën komunikuese Viber deputetja Aida Dërguti e ka quajtur “mut” Albin Kurti, kryetari Visar Ymeri kishte vendosur ta shtyej mbledhjen e Kryesisë të paraparë për t’u mbajtur të shtunën.

Veriu.info mëson se mbledhja e paraparë për të shtunën do të mbahet nesër (e hënën), ku Kryesia e VV-së do të merr një qëndrim për zhvillimet  e fundit.

Në një prononcim për Veriu.info këtë e ka konfirmuar edhe Sekretari Organizativ i Vetëvendosjes, Ismajl Kurteshi, i cili ka treguar se nesër Kryesia Qendrore do të dalë më një qëndrim për çështjen e fyerjes së Aida Dërgutit ndaj Albin Kurtit.

Mirëpo, burime të Veriu.info bëjnë të ditur se fillimisht sot në ora 14:00 është paraparë të mbahet një mbledhje në Qendrën e Vushtrrisë, ku do të mblidhet Këshilli i VV-së, i cili do të diskutoj për përfshirjen e kryetares së VV-së në Vushtrri, Aida Dërguti në skandalin e fundit.

Sa i përket mbledhjes së thirrur nga Qendra e VV-së në Vushtrri, Sekretari Organizativ, Ismajl Kurteshi, ka thënë: “Sot ishte paraparë të mbahet një mbledhje në Vushtrri, ku unë kam kërkuar që të shtyhet, pasi që veç nesër e kemi mbledhjen e kryesisë qendrore. Megjithatë, degës askush nuk mund t’ia mohoj të drejtën për të vepruar”./Veriu.info