“Kush jeni ju?”, momenti kur roja e qendrës stërvitore ia ndaloi hyrjen Nadalit sepse nuk e njihte (Video)

Rafa Nadal është një nga tenistët më të mëdhenj që ka njohur historia e këtij sporti, por ja që ka njerëz që nuk e njohin.

Njëri nga ata është edhe roja e qendrës stërvitore të Paris Masters.

Numri një në botë ishte rrugës për t’u stërvitur dhe në hyrje të sallës ku duhej të stërvitej roja e ndali atë duke i kërkuar kartën e identifikimit dhe pastaj e pyeti se kush ishte.

Por, kur Nadall ia tha emrin atij iu kujtua se për kë bëhet fjalë dhe e lejoi të vazhdonte.

Roja: “Përshëndetje zotëri, keni kartën me veti”.

Nadal: “Nuk e kam me vete”.

Roja: “Kush jeni ju?”.

Nadal: “Rafael Nadal”.

Dhe menjëherë kjo është bërë lajm në media, por gjithmonë në formë të shakasë. Roja mund mos të ketë njohur spanjollin, por së paku ka bërë punën e tij në përpikëri. /Telegrafi/

SHPËRNDAJE