Lajm i mirë për ata që dëshirojnë të marrin patentën e shoferit

Ministria e Punëve të Brendshme përmes Agjencisë për Regjistrim Civil, e mbështetur nga kompania gjermane “Veridos GmbH-Identity Solutions by Giesecke+Devrienr and Bundesdrukerei”, ka lansuar sot projektin “Patentë -shoferi mobil”.

Ky aplikacion mundëson marrjen e patentës së shoferit përmes telefonave të mençur. Ministri i Punëve të Brendshme. Flamur Sefaj, ndihet krenar që Kosova është vendi i parë që ua ofron qytetarëve të saj një aplikacion të tillë ku përmes saj mund të shkarkojnë patentë shoferin në çdo kohë dhe në çdo vend. Ministri i ka treguar përparësitë dhe arsyet.

“Mund të themi se jemi para të tjerëve në këtë rast , sepse është aplikacioni i parë që përdoret në rajon ndoshta edhe në Evropë. Një aplikacion i tillë dhe është i dobishëm. Arsyeja e parë është ulja e kostos. Ne do ta bëjmë një ulje të çmimit sepse ne do ta ulim koston pastaj kjo do të ketë impakt që të ketë ulje të çmimit të cilët qytetarët, ngasësit do ta paguajnë. Është shumë e dobishme është mjaft domethënëse sepse është një përqindje e mirë e uljes së këtij c çmimi. Në të njëjtën kohë përshpejton procesin e marrjes së dokumentit edhe sigurinë . Evitohen mundësitë për falsifikim. Përveç digjitalizimit të marrjes së patentë shoferëve ne jemi duke punuar edhe që të bëjmë digjitalizimin gjithë sistemeve dhe procese brenda MPB-së”, tha Sefaj.

Sipas tij, kjo po bëhet me qëllim të parandalimit të spekulimet dhe keqpërdorimet. Por ministri nuk ka treguar se sa do të jetë çmimi i aplikacionit që do të paguajnë qytetarët për të shkarkuar në telefonat e tyre, edhe pse ai tha se kosto e aplikacionit është zero. Shefi i Operacioneve nga kompania , “Veridos GmbH-Identity Solutions by Giesecke+Devrienr and Bundesdrukerei”,Hermann Sterzinges, ka thënë se me këtë aplikacion u mundësohet policëve të kenë qasje në të dhëna shumë më lehtë.

“Kjo tregon se jemi në një vend ku njerëzit me prirje inventive jetojnë këtu. Unë dua t’iu uroj për ekipin e paparë i cili po e udhëheq këtë projekt së bashku dhe ka qenë një arritje e madhe. Unë ju dëshiroj t’iu falënderoj që na keni zgjedhur neve për të arritur këtë qëllim. Gjithsesi kjo zgjedhje mund të jetë e lehtë dhe e mirë. Mirëpo më e rëndësishmja që është e lehtë për të përdorur. Nuk ka asnjë problem sepse zyrtarët policorë mund ta verifikojnë këtë patentë shofer menjëherë me një telefon të mençur me këtë aplikacion. Kjo jep një përparësi në verifikim të lehtë “, tha Sterzinges.

Ky aplikacion në këtë fazë është duke u testuar dhe se fillimisht aplikacioni është në gjuhën angleze dhe se sipas përfaqësuesve të kompanisë shumë shpejt do të përkthehet.

SHPËRNDAJE