LDK pa asnjë deputet nga Mitrovica, flet kryetari i degës

Kryetari i Degës së LDK-së në Mitrovicë, Safet Kamberi, ka thënë se ky subjekt ka shënuar rritje në këtë komunë në zgjedhjet e 6 tetorit.

“Vota për LDK në Mitrovicë ka shënuar rritje. Kemi rritë votën e LDK-së për 15 përqind dhe kjo tregon se LDK është në rrugë të mbarë”, ka thënë Kamberi.

Sa për çështjen se ky qytet nuk do të ketë asnjë deputet në Kuvendin e Kosovës, ai ka thënë se kjo kërkon analizë.

“Vota e LDK-së dhe mitrovicasve shpërndahet dhe kjo na ka përcjell tek secili subjekt në Mitrovicë”, ka thënë Kamberi në Klan Kosova.

“Konsideroj se është sinjal që edhe strukturat tonë është dashtë të merren me këtë çështje, përkundër rezultatit të mirë në rritjen e votës së LDK-së”.

  • ETIKETIMET
  • 1
SHPËRNDAJE