Lul Raka vjen me një apel për politikanët: Kthjelluni e bashkohuni, situata është shqetësuese

Mikrobiologu Lul Raka ka ardhur me një apel pas rritjes së rasteve, duke u kërkuar politikanëve në vend të bashkohet, në këtë kohë kur është rritur dukshëm numri i rasteve me koronavirus, shkruan Gazeta Metro.

Përmes një shkrimi në rrjetin social Facebook, Raka ka thënë se koronavirusi nuk është gënjeshtër dhe se kapaciteti shëndetësor i Kosovës po ngarkohet.

“Politikanë të nderuar: Ju lutemi kthjelluni, bashkohuni dhe tregoni lidership në këto kohë të vështira.”, ka shkruar tutje ai.

Postimi i plotë:

Të dashur qytetarë të Kosovës,

COVID-19 NUK është rrenë! Mund të prek TY ose më të dashurit Tuaj!

Trendi i rritjes së numrit të rasteve në javën e fundit është shqetësues. Shtylla kryesore e përgjigjes ndaj pandemisë është kapaciteti shëndetësor i Kosovës, i cili po ngarkohet disa ditës!

Kësaj rritje i kemi kontribuar të gjithë: qytetarët, të cilët nuk i përfillin fare masat parandaluese. Por, edhe politikanë, të cilët vazhdojnë ta përdorin COVID-19 si monetë për kusuritje të ndërsjelltë.

Qytetarë të dashur, Ju lutem t’i zbatoni këshillat sot, sepse nesër mund të jetë vonë:
1. Mbani distancën fizike kudo dhe gjatë tërë kohës. Kjo është komponenta kryesore në parandalim!
2. Në vendet ku nuk mund të mbahet distancë, vendosni maska!
3. Mbani higjienën e duarve!

Politikanë të nderuar: Ju lutemi kthjelluni, bashkohuni dhe tregoni lidership në këto kohë të vështira.

Parandalimi i sëmundjes është arma e vetme në duart tona!

Vetëm së bashku e përballojmë këtë sfidë!.

SHPËRNDAJE