Mosmarrëveshja Kurti-Mustafa: Si e përzgjodhi LDK ministrinë që favorizon VV-ja dhe detajet e mospajtimeve për presidentin e kryetarin e Kuvendit

Detaje të reja nga dy takimet e sotme ndërmjet liderit të VV-së, Albin Kurti dhe atij të LDK-së, Isa Mustafa.

Burime të Portalit Veriu.info mësojnë se LVV dhe LDK i kanë ndarë nga 5 ministri.

Ky burim ka treguar se kur Kurti i ka dhënë ‘përparësi’ Mustafës që të zgjedh cilën ministri e do LDK, ky e ka zgjedhur pikërisht Ministrinë e Brendshme, të cilën tash e sa kohë po e kërkonte VV.

“Nuk dihet saktësisht se si i kanë ndarë këto ministri, por Kurti i ka bërë koncesion Isa Mustafës që ai të zgjedh i pari, dhe për ‘çudi’, Isa Mustafa e ka zgjedhur Ministrinë e Punëve të Brendshme”, tha ky burim.

Ky burim saktëson se mospajtimet kanë ardhur për temat jashtë ndarjes së ministrive, pra për postin e kryeparlamentarit dhe për atë të presidentit.

“Sipas Kushtetutës posti i kryetarit të Kuvendit i takon partisë së parë, por Mustafa e kërkoi atë për LDK-në pa kompensim për VV. Poashtu, Mustafa i ka thënë Kurtit që pa marrëveshje për presidentin nuk ka marrëveshja as për Qeverinë, duke e kërkuar këtë post, pa asnjë kompensim”, thone këto burime, duke sqaruar se kjo ka qenë arsyeja pse s’kishte dakordim në takimin e sotëm.

Pra, lideri i VV-së, ka kërkuar që për postin e presidentit të ketë kompensim me ministri për partinë e tij./Veriu.info

  • ETIKETIMET
  • 1
SHPËRNDAJE