Nevojiten vite të shumta që zemra të rikuperohet pas lënies së duhanit

Kur ndaloni së piri duhan, zemra fillon të rikuperohet menjëherë, por një rikuperim i plotë mund të merr kohë deri në 15 vite – thotë një studim i ri.

Ekspertët thonë se përfitimi i lënies së duhanit nuk mund të nënvlerësohet sepse sistemi kardiovaskulare fillon të rikuperohet menjëherë, ndërkaq disa ndryshime fiziologjike ndodhin brenda pak orëve.

Meredith Duncan, ekspertja që e ka udhëhequr këtë studim, thotë se brenda pesë viteve që e lini duhanin, rreziku i sëmundjeve të zemrës është dukshëm më i ulët sesa te njerëzit që vazhdojnë të pinë.

Por, sipas saj, nevojiten 10 deri në 15 vjet kohë që rreziku të jetë i njëjtë me të atyre që asnjëherë nuk kanë pirë duhan.

“Duke marrë parasysh se rikuperimi i plotë merr kohë shumë vite, sot është dita më e mirë që duhanpirësit ta lënë duhanin”, ka këshilluar ajo.

Vlen të ceket se për studimin e saj, ajo i ka analizuar të dhënat e rreth 9,000 personave.

SHPËRNDAJE