Për shumicën prej deputetëve të LDK-së, por edhe për nënkryetarin Lutfi Haziri është i pranueshëm propozimi që e ka dhënë Vjosa Osmani në njërën prej mbledhjeve të mëhershme që posti i kryeparlamentarit të kompensohet me njërën prej ministrive të rëndësishme, përkatësisht MPJ-në.
“Koha Ditore” pati shkruar se ky propozim kishte mbetur të shqyrtohet në mbledhjen e Këshillit të Përgjithshëm, por për shkak të refuzimit të nënkryetarit të LDK-së, Agim Veliut dhe një pjesë të kryesisë, mbledhja nuk është thirrur.
Në diskutimet e fundit, Osmani nuk ka shpreh gatishmëri të vendoset në krye të kuvendit, në rrethanat aktuale, pasi Konjufca është zgjedhur edhe me votat e LDK-së.
Burime brenda këtyre zhvillimeve kanë thënë se edhe VV është pajtuar me këtë formulë- MPJ për Kryeparlamentarin.
Kujtojmë se Gazeta Online “Reporteri.net” qysh para dy jave, konkretisht më datë 13 janar ka raportuar se VV i ka ofruar LDK-së Ministrinë e Punëve të Jashtme në këmbim të kryekuvendarit, por që partia e Isa Mustafës e kishte refuzuar atë kohë një ofertë të tillë.
Zyrtarisht në LDK dhe VV kanë refuzuar të deklarohen për negociatat e fundit rreth koalicionit.
