Opozita akuzon presidentin për pazare me territor

epa05837069 President of the Republic of Kosovo Hashim Thaci during a press conference at his cabinet in Pristina, Kosovo 08 March 2017. Hashim Thaci backed up his decision he took on 07 March 2017 to submit to the Parliament the draft law on transforming the Kosovo Security Forces (KSF) into an Army. NATO Secretary General Jens Stoltenberg has released a statement saying that on 08 March 2017 he has spoken to Hashim Thaci to convey the serious concerns of NATO Allies about recent proposals by the Kosovo authorities to transform the Kosovo Security Force (KSF) into an armed force, without a constitutional change. However, should the mandate of the KSF now evolve in the way proposed, NATO will have to review its level of commitment, particularly in terms of capacity-building he said in the statement. EPA/VALDRIN XHEMAJ

Në 9 vjetorin e vendimit të GJND-së, opozita akuzon presidentin për pazare me territor.

Më 22 korrik, nëntë vjet më parë, Gjykata Ndërkombëtare e Drejtësie vulosi shtetësinë e Kosovës.

Kjo u quajt si goditja më e fuqishme që e mori Serbia.

Nëntë vjet pas, presidenti, Hashim Thaçi e ka quajtur si fitoren më të madhe ndërkombëtare të Kosovës, ndërsa kryeministri në dorëheqje, Ramush Haradinaj, ka thënë se vendimi i Gjykatës Ndërkombëtare të Drejtësisë është vendim historik, i cili ka konfirmuar themelet e pavarësisë, sovranitetit dhe integritetit territorial.

Për opozitën, pushteti nuk ka arritur që ta shfrytëzojë fuqinë juridike që e pati ky mendim këshillëdhënës i GJND-së.

Dy partitë opozitare, LDK-ja dhe Vetëvendosje thonë se Kosova mori goditjen më të madhe nga vetë udhëheqësit e saj.

Akuzat më të mëdha drejtohen për presidentin, Hashim Thaçi, për të cilin këto dy parti thonë se e rrezikoi integritetin territorial me idenë për shkëmbim territoresh me Serbinë.

Deputetja Vjosa Osmani ka thënë se presidenti, në kundërshtim me vullnetin e popullit, e ka vënë shtetësinë e Kosovës në tavolinë duke bërë dëm të pariparueshëm në konsolidimin e shtetësisë.

Albulena Haxhiu nga Vetëvendosje ka thënë se për këto nëntë vjet ky vendim i GJND-së nuk ka arritur asnjëherë të fuqizohet në ruajtje të shtetësisë, të sovranitetit, por në vazhdimësi është degraduar nga krerët më të lartë shtetërorë.

Të dyja këto parti thonë se pushteti dështoi që të sjellë njohje të reja e dështoi t’u sigurojë lëvizje të lirë qytetarëve, por si mundësi për mbrojtje të shtetësisë e sovranitetit i shohin zgjedhjet e reja, pas dorëheqjes së kryeministrit Ramush Haradinaj.

  • ETIKETIMET
  • 1
SHPËRNDAJE