Policia jep detaje për rastin e rëndë në Ferizaj, ku djali mbyti me thikë nënën e tij

Policia e Kosovës sot në raportin 24 orësh ka dhënë detaje të rastit në Ferizaj, ku djali dyshohet se ka vrarë nënën e tij, 83 vjeçare.

Në raportin 24 orësh të Policisë së Kosovës, thuhet se i dyshuari kishte probleme psikike.

“Rr. Ejup Statovci, Ferizaj 10.08.2020 – 07:57. Është arrestuar i dyshuari mashkull kosovar (me probleme psikike), pasi që i njëjti ka sulmuar viktimën femër kosovare me armë të ftohtë. Në vendin e ngjarjes, kanë dalë njësitet relevante policore, ndërsa ekipi mjekësor ka konstatuar vdekjen e viktimës”, bëhet e ditur në njoftim.

Me vendim të prokurorit, trupi i pajetë i viktimës është dërguar në IML për obduksion, ndërsa i dyshuari është dërguar në mbajtje.

SHPËRNDAJE