Rama nervozohet me Serbinë, e quan të mjerë cilësimin e shqiptarëve si “shiptarima”

Kryeministri i Shqipërsië, Edi Rama ka reaguar pas një komunikate të Ministrisë së Mbrojtjes së Serbisë ku fyhen shqiptarët me termin si “shiptarima”.

Rama ka shkruajtur në Twitter se nëse kjo është e vërtetë është mendësi e mjerë që duhet dënuar.

“A është kjo e vërtetë apo një “meme” tallëse e truve të thatë dhe gojëve të ndyra që e mbajtën tërë rajonin tonë në errësirë me shekuj? Unë uroj shumë që të jetë një “meme”, përndryshe do të ishte një shfaqje aq e keqe sa nuk shprehet me fjalë e të menduarit të mjerë që duhet dënuar pa asnjë dyshim”, ka shkruar Rama.