Stavileci: Ja kush e ka detyruar Kurtin ta shkarkoj Molliqajn

Ministri i PDK-së, Blerand Stavileci, ka ironizuar me liderin e Lëvizjes Vetëvendosje, Albin Kurti, i cili sot ka deklaruar se e ka përkrahjen e ambasadorëve për Qeverinë. Stavileci ka pyetur Kurtin se a janë këta ambasadorë që iu pate thënë se “u është lagur baruti”?!

Ai i ka thënë Kurtit se ju kanë detyruar të distancoheni prej dhunës dhe menjëherë e shkarkuat prej komesarllëkut Dardan Molliqajn.

“Je i përkrahur të shkëputesh prej bandave tuaja të dhunës. Kjo ka qenë gjithmonë kërkesë e tyre për ju!“, ka shkruar Stavileci.

Ky është postimi i plotë i Stavilecit:

Albin Kurti, çfarë ndodhi?! Deri dje ke kërkuar të mos përzihen ambasadat e huaja në proceset politike, sot po deklaron se e paske mbështetjen e tyre. A janë këta ambasadorë që iu pate thënë se “u është lagur baruti”?! Ti e ke ndërtuar Lëvizjen për vetëvendosje, ndërkaq s’po mund të vetëvendosësh pa implikimin e ambasadave. Nga cili/cilët ambasadorë po kërkon mbështetje?! Amerikan…?

Nga Delawie, për të cilin nisët peticionin për largimin nga Kosova?! Apo nga ish-ambasadorja Tracy Jacobson, të cilën e tërhoqët për dore… Apo nga të tjerët që u ke thënë se s’kanë çfarë të përzihen në punët e Kosovës. D.m.th., TI po e pranon një qeveri që e bëjnë ndërkombëtarët?! Ju kanë detyruar të distancoheni prej dhunës dhe menjëherë e shkarkuat prej komesarllëkut Dardan Molliqajn. Je i përkrahur të shkëputesh prej bandave tuaja të dhunës. Kjo ka qenë gjithmonë kërkesë e tyre për ju!

SHPËRNDAJE