Veton Surroi reagim poetik kundër vendimit të Kushtetueses, citon nobelistin kilian

Publicisti Veton Surroi ka bërë një postim në rrjetin social Facebook, duke cituar një poet, diplomat, politikan e nobelist kilian, thënien e të cilit e lidhë me situatën politike në Kosovë.

Edhe pse nuk e përmend askund vendimin e Gjykatës Kushtetuese, duke u bazuar në kontekstin aktual politik, lë të nënkuptohet se Surroi ka dashur të thotë se pavarësisht faktit që sot është penguar Kurti, ata nuk mund ta ndalin atë.

“Mund t’i presin të gjitha lulet, por nuk mund ta ndalin kurrë pranverën”, shkruan Surroi duke cituar poetin dhe nobelistin kilian, Pablo Neruda.

Duhet theksuar se Surroi ka lidhje emocionale me vendet e Amerikës Latine, pasi për një kohë, si i ri kishte jetuar atje, kur babai i tij Rexhai Surroi shërbente si ambasador i Jugosllavisë.

SHPËRNDAJE