Vuçiq – Thaçit: Mogherini ka më së shumti dëshirë të puthet me ty…

Sonte në Bruksel, përfaqësuesja e lartë e BE-së Federica Mogherini, ka zhvilluar takim me liderët e vendeve të Ballkanit, përveç kryeministrit të Shqipërisë, Edi Rama.

Përgjatë takimit shihet se liderët takojnë njëri-tjetrin duke u përshëndetur me shtrëngime duarsh.

Nga ana e tij, presidenti Hashim Thaçi i shtrëngon dorën edhe kryetarit të Republikës Serbe të Bosnjës, Millorad Dodik, të cilin më parë gjatë një rasti e kishte injoruar. (minuta 0:43)

Teksa Mogherini përshëndet të pranishmit, kur i afrohet Thaçit të cilin e përqafon dhe e puth në faqe, dëgjohet presidenti i Serbisë, Aleksandar Vuçiq të thotë: “Hashim, Federica më së shumti ka dëshirë të puthet me ty”, kurse Thaçi nuk dëgjohet ta komentojë atë në këtë rast, por Vuçiqi vazhdon: “Shikoni se si bëhet sikur nuk merr vesh serbisht, por di shumë mirë”.

Pas kësaj deklarate të Vuçiqit, Thaçi dëgjohet tek qesh. (minuta 0:45)

SHPËRNDAJE