Zotimi i avokatit të Gucatit: Nëse e lironi me kusht, do të rrijë 100 metra larg zyrës së OVL-së

Kryetari i Veteranëve të UÇK-së, Hysni Gucati, sot është paraqitur në seancën e parë gjyqësore para Tribunalit Special.

Mbrojtja e kreut të OVL-UÇK-së ka thënë para gjykatësit të Speciales se ata do t’i plotësojnë kushtet e vëna nga Gjykata për Hysni Gucatin, përfshirë edhe qëndrimin larg 100 metra Organizatës së Veteranëve të luftës së UÇK-së.

PDK: S’ka pasur takim të kryetarit Veseli me Mustafën rreth hyrjes në Qeveri
“Kryetari i OVL-UÇK’së, Hysni Gucati në kërkesën për lirim me kusht do të qëndrojë 100 metra larg zyrës së OVL-UÇK’së”, ka thënë mbrojtja e tij.

Pala mbrojtëse e kryetarit të Organizatës së Veteranëve të Luftës së UÇK-së ka kërkuar që Hysni Gucati të lirohet me kusht nga paraburgimi, raporton Gazeta Express.

Njëri nga mbrojtësit ka thënë se gjykatësi duhet të vendos për lirimin e Gucatit, në mënyrë që t’i japë kohë shqyrtimit të kërkesave të paraqitura nga ai për ligjshmërinë e arrestimit.

SHPËRNDAJE