130 milardë dollarë në lojë, të pathënat e divorcit të Bill Gates

Bill Gates ka qenë gjithmonë i përkushtuar ndaj martesës. Kjo është arsyeja pse, para se të hidhte hapin e madh rreth 3 dekada më parë, ai vendosi të bënte një listë me të mirat dhe të këqijat e jetës martesore. Bashkëthemeluesja e miliarderit të Microsoft, Melinda Gates, e cila dha njoftimin se do t’i jepte fund martesës prej 27 vitesh së bashku, kishte treguar për ketë histori në dokumentarin e Netflix “Inside Bill’s Brain” në 2019.

Melinda, 56 vjeç, qeshi ndërsa hyri papritmas në një dhomë dhe pa Bill duke bërë listën, duke shpjeguar se ajo “duhej të merrte një vendim” nëse marrëdhënia e tyre duhej të kalonte në fazën tjetër.

“Martesa ishte një çështje shumë serioze për mua,” shkroi Bill Gates në dokumentar.

Të dy u takuan në 1987, në një darkë biznesi në Nju Jork, menjëherë pasi Melinda filloi punë në Microsoft si menaxhere e produkteve. Pas rreth një viti lidhje, çifti ndodhej para një dilemë.“Ne kishim ndjenja shumë të mëdha për njëri-tjetrin dhe kishte vetëm dy mundësi: ose do të ndaheshim ose do të martoheshim ,” tha manjati 65-vjeçar.

“Ai donte të martohej, por nuk e dinte nëse mund të bënte një angazhim kaq të madh dhe në të njëjtën kohë të drejtojë Microsoft”, tha Melinda në atë kohë.

Çifti u martua në Hawaii në 1994. Dy vite më vonë Melinda u largua nga kompania në mënyrë që të mund t’i përkushtohej familjes. Çifti ka tre fëmijë, Jennifer 25 vjeç, Rory 21-vjeç dhe Phoebe, 19 vjeç.

Në vitin 2001 , Bill dhe Melinda Gates krijuan Fondacionin Bill & Melinda Gates, i cili tani është kompania më me ndikim në planet. Në dokumentarin e Netflix, Gates thotë se marrëdhënia e tij me Melinda është ajo e “partnerëve me të drejta të barabarta”.

“Ajo është si unë, optimiste dhe e interesuar për shkencën dhe ka një marrëdhënie të mirë me njerëzit”.

Pasuria prej 130 miliardë dollarësh

Marrëdhënia e tyre mund të ketë qenë perfekte dhe me të drejta të barabarta po mbetet për tu parë nëse e tillë do të jetë edhe ndarja e pasurisë. Pasuria e Gates vlerësohet të jetë 130 miliardë dollarë dhe çifti nuk ka nënshkruar një marrëveshje para martesore sipas mediave ndërkombëtare.

Por çfarë përfshin kjo pasuri e madhe që tani duhet të ndahet midis dy ish-partnerëve?

Sipas Daily Mail, Gates ka shtëpi në pesë shtete të SHBA. Makinat e tyre luksoze përfshijnë një Porsche prej 2 milion dollarësh. Koleksioni i tyre artistik përfshin një libër me shkrime dhe skica të Leonardo da Vinçit , vlera e të cilit arrin në 30 milion dollar. Ata gjithashtu kanë avionë privatë.

Biznesmeni dhe investitori 65-vjeçar është gjithashtu pronari më i madh privat i tokës bujqësore në SHBA, me sipërfaqe të mëdha në 18 shtete të ndryshme. Gates ka shtëpi luksoze në shumë shtete të Amerikës, përfshirë Uashington, Florida, California dhe Wyoming. Rezidenca kryesore e çiftit është në Uashington, në periferi të Seattle, dhe njihet me pseudonimin Xanadu 2.0.

Rezidenca ka pamje spektakolare të Liqenit Uashington dhe është shumë afër selisë së Fondacionit Gates. Gates bleu pronën në 1988 për 2 milion dollarë dhe qëndroi në atë shtëpi për shtatë duke e transformuar në shtëpinë e tij të ëndrrave.

Sot vlera e rezidencës besohet të jetë 125 milion dollarë. Rezidenca me 7 dhoma gjumi përfshin një pishinë të brendshme dhe një jashtë, një kinema për 20 persona dhe një sallë të madhe deri në 150 persona. Në zonën përreth rezidencës ka një lumë artificial me peshq dhe një plazh.

Të dy Bill dhe Melinda Gates janë zotuar të dhurojnë pjesën më të madhe të pasurisë së tyre para se të vdesin. Tre fëmijët e tyre do të ketë të drejtë të gëzojnë vetëm 10 milion dollarë secili, një pjesë e vogël e pasurisë e prindërve të tyre.

Deri atëherë, pasuritë do të duhet të ndahen dhe ky proces patjetër do të ketë shumë interes nga e gjitha bota.