Gjergj Dedaj: Unë do të duhej të isha president apo kryeministër

Zëvendësministri i Punëve të Jashtme të Kosovës, Gjergj Dedaj, njëherit kryetar i Partisë Liberale të Kosovës, ka folur për pozitën e tij, shumë të diskutuar të zëvendësministrit.

Dedaj në “Fakt Plus” pohon se pozita si zëvendësministër është keqinterpretuar nga mediat.

Ai thotë se ka merita të shumta për të pasur pozita udhëheqëse të Kosovës, shton se nuk punon për poste.

“Emërimi im në pozitën e zëvendësministrit të Jashtëm, është keqinterpretuar se gjoja për arsye të ndryshme jam bërë zëvendësministër.

Unë jam në këtë pozitë sepse Partia Liberale ka koalicion me Partinë Demokratike dhe kemi bërë marrëveshje për një pozitë të zëvendësministrit.

Po të flasim për meritokraci unë do të duhej të isha president apo kryeministër i Kosovës”, tha Dedaj në “Fakt Plus”.

Ai jep arsyet pse do të duhej të ishte në pozitat më të larta të shtetit.