Kryeministri i thotë Hahn: Shpresova se po vjen me lajme të mira për viza

Ka nisur takimi i kryeministrit Ramush Haradinaj me komisionarin për zgjerim të Bashkimit Evropian, Johannes Hahn.

Në nisje të këtij takimi kryeministri Haradinaj i ka thënë austriakut që meret me politikat për zgjerim në BE, Johannes Hahn, se “ka shpresuar” se ai do të vijë me lajme të mira për liberlaizimin e vizave për Kosovën.

“Kemi shpresuar se do të vini me lajm të mirë për liberalizimin e vizave për Kosovën para krishtlindjeve”, citohet të ketë thënë Haradinaj, raporton KTV.

Haradinaj ka shtuar se megjithatë, sipas tij Kosova është e fokusuar në agjendën evropiane, duke përmendur obligimet që dalin nga ERA 1.

Pas këtyre fjalëve hyrëse të Haradinajt, takimi është mbyllur për media.