Milot Rashica shpallet lojtari i muajit gusht te Norwich City

Sulmuesi kosovar Milot Rashica është shpallur lojtari më i mirë i muajit gusht te skuadra angleze, Norwich City.

Gjatë këtij afati kalimtar veror të transferimeve, Rashica ndërroi skuadrën, duke u transferuar nga Werder Bremeni tek Norwich.

Pavarësisht se skuadra e tij ende nuk di për fitore, ku në tre xhirot e para të këtij sezoni ka regjistruar tre humbje, Rashica ishte më i miri me paraqitje tek skuadra e Norwich.
Gjatë muajit gusht, në tre ndeshje ai regjistroi 34 duele të fituara, 40 prekje të topit për ndeshje, 14 rikthime të topit dhe 47 pasime të suksesshme.